किसानको सहयात्री कृषि सूचना तथा प्रशिक्षण केन्द्र

कृषि सम्बन्धि सूचना तथा प्रशारण गर्ने सरकारी निकाय हो, कृषि सूचना तथा प्रशिक्षण केन्द्र । यो ललितपुरको हरिहरभवनमा रहेको छ । कृषि सूचना तथा प्रशिक्षण केन्द्रले गर्ने काम तथा यसका विभिन्न पाटोमा रहेर वरिष्ठ कृषि प्रसार अधिकृत तथा सूचना अधिकारी डा.राजु घिमिरेसँग सहकर्मी प्रदिप पौडेलले कुराकानी गर्नुभएको छ ।

कृषि सूचना तथा प्रशिक्षण केन्द्र भनेको के हो र यसले कस्ता कस्ता कामहरु गर्दछ ?

आर्थिक वर्ष ०७५/७६ साउनबाट साबिक कृषि सूचना तथा संचार केन्दबाट नाम परिर्वतन भएर कृषि सूचना तथा प्रशिक्षण केन्द« भएको छ । यसले विभिन्न मिडियाहरु प्रयोग गरेर हरेक दिन टेलिभिजन, रेडियो मार्फत कृषि कार्यक्रम निर्माण तथा प्रसारण गर्दै आएको छ ।

साथै कृषि दैमासिक पत्रिका पनि यस केन्द्रबाट प्रकाशन हुदै आएको छ । हामीले प्रकाशन गर्ने पत्रिकाको एक अंकमा कुनै एक विषयलाई मात्र जोड दिन्छौ र त्यसलाई देशैभरका कार्यालयमा उपलब्ध गराउँदै आएका छौ । साथै टेलिभिजन तथा रेडियो कार्यक्रममा कृषि विज्ञको उपस्थितीमा किसानका विभिन्न समस्याको समाधान गर्दै आएका छौ ।

केन्द्रले सुरु गरेको किसान कल सेन्टर प्रभावकारी नभएको गुनासो छ नी ?

किसान कल सेन्टर २०७२ फागुन १६ गतेबाट संचालनमा आएको हो । यो कल सेन्टरको टोल फ्री नम्बर १६६००१९५००० मा किसानले निशुल्क आफ्ना गुनासा तथा समस्या टिपाउन सक्छन् ।

किसानले टिपाएका गुनासा तथा समस्यालाई हामीले विभिन्न विज्ञहरुको सहयोग मार्फत समाधान गर्दै आएका छौ । तर कुनै समयमा विज्ञको अभाव हुँदा किसानको समस्या समयमा समाधान नभएको हुनसक्छ तर प्रभावकारी नै नभएको होइन ।

देश संघीय संरचना गएको छ । यस्तो अवस्थामा सूचना केन्द्रले सेवा कसरी प्रदान गरिरहेको छ ?

कृषि सूचना तथा प्रशिक्षण केन्द्र कृषि तथा पशुपंक्षी मन्त्रालय अन्र्तगतको एक निकाय हो । देश संघीय संरचनामा जानु पहिला पनि यस केन्द्रले विभिन्न क्षेत्रिय निकायबाट आफ्ना सेवा उपलब्ध गराउँदै आएको थियो ।

संघीयतामा गए पछि तीनै निकायलाई हामीले प्रदेशमा लगेका छौ । तर कृषि सूचना तथा प्रशिक्षण केन्द्रलाई प्रभावकारी बनाउन विभिन्न प्रदेशबाट कार्यक्रम उत्पादन गर्न सके अझै प्रभावकारी हुने हामीले आभाष गरेका छौ ।

अहिले केन्द्रमा कर्मचारीको अवस्था कस्तो रहेको छ ?

कृषि सूचना तथा प्रशिक्षण केन्द्रमा पहिला ३७ जनाको दरबन्दी थियो । अहिले कृषि तालिम निर्देशनालय, कृषि सूुचना तथा संचार केन्द र राष्ट्रिय कृषि अनुुसन्धान तथा विकास कोष मर्ज भएपछि दरबन्दी ४४ जनाको छ ।

कृषि तालिम निर्देशनालय र पशुुपंछी तालिम निर्देशनालय खारेज भएर अहिले कृषि तालिम शाखा र पशुुपंछी तालिम शाखा भएर यस कार्यालय मातहत आएको छ । ४४ जनाको दरबन्दीमध्य हाल २८ जनाको मात्रै पदपूर्ती भएको छ ।

कर्मचारी समायोजन तथा विभिन्न कारणले केन्द्रमा कर्मचारीको अभाव छ । जसका कारण काममा केही असहजता आएको छ ।

प्रतिक्रिया दिनुहोस

Leave a Reply