पाल्पामा ३ वर्षे कृषि पढाइ हुने

पाल्पा – मदनपोखरा पोलिटेक्निकल इन्ष्टिच्युट दमकडाले आगामी शैक्षिकसत्रदेखि कृषि विषयमा ३ वर्षे डिप्लोमा कक्षा सञ्चालन गर्ने भएको छ ।

आर्थिक वर्ष २०६७/०६८ को बजेट वक्तव्यमा विनियोजित बजेटबाट निर्माण कार्य सुरु भएको पोलिटेक्निकल इन्ष्टिच्युट यो वर्षबाट सञ्चालन हुन लागेको हो ।

इन्ष्टिच्युटको निरीक्षण गर्दै पाल्पा क्षेत्र नम्बर २ का सांसद सोमप्रसाद पाण्डेयले मुलुक समृद्धिको चरणमा प्रवेश गरेकाले अबको आवश्यकक्ता भनेको व्यवसायिक र प्राविधिक शिक्षा भएकाले दक्ष नागरिक उत्पादनका लागि यसले महत्ववपूर्ण भूमिका खेल्न सक्ने दाबी गर्नुभयो ।

कलेजले कृषिका अतिरिक्त भेटेरीनरी, इलेक्ट्रिक इन्जिनियरिङ र आइटीमध्ये कुनै ३ विषयका कक्षा सञ्चालन गर्ने तयारी गरिरहेको छ । परीषदकै आंगिक कलेज भएकाले यसको भर्ना, परीक्षा र शुल्क सिटिइभिटीकै नियमकानुन वमोजिम हुनेछ ।

error: Content is protected !!