नेपालमै पहिलो पटक व्यवसायिक साइलेज उत्पादन सुरु

विरगंज

शिवम् न्युट्रिप्रो प्रा.लि. विरगंजले नेपालमै पहिलो पटक व्यवसायिक रुपमा साईलेजको उत्पादन शुरु गरेको छ । पश्चिमा मुलुकमा धेरै पहिलेदेखी नै प्रयोगमा आएको साइलेज नेपालमा भने कागज र कुरामा मात्र सिमित रहेको थियो । प्रा.लि. ले ६ महिना अगाडी देखि उत्पादन थालेर गरी अहिले बजारमा वितरण सुरु गरेको छ ।

साइलेज भनेको एनएरोविक वातावरणमा उच्च कार्बोहाइड्रेट युक्त घाँसलाई करिव एक देखि डेढ वर्षसम्म सुरक्षित राख्न मिल्ने गरी बनाइएको गाई वस्तुको भोजन हो । जसलाई ४० दिन राखिसकेपछि गाइवस्तुलाई खुवाउन सकिन्छ । साइलेज लामो समय सुरक्षित राखि हरियो घाँस उपलव्ध नभएको समयमा पशुवस्तुलाई खुवाउन मिल्ने भएकोले किसानका लागी कम खर्चिलो र गाईवस्तुलाइ सधै पोषिलो घाँस पुर्याउन मद्दत पुग्छ ।
साइलेजमा १२ देखि १६ प्रतिशतसम्म प्रोटिन हुन्छ भने प्रोपायोनिक एसिड, व्युटायरिक एसिड र ल्याक्टिक एसिड पनि प्रयाप्त मात्रामा हुन्छ । कम्पनीले अहिले परालको कुटीकै मुल्यमा मकैको साइलेज उत्पादन गरिरहेको छ र छिटै मुल्य घटाएर सहज र सुलभ रुपमा बजारमा बितरण गर्ने तयारीमा छ ।

Leave a Reply