तेह्रथुम । पछिल्लो समय वैदेशिक रोजगारीमा जाने युवाको लहर चलेको बेला तेह्रथुमका भुवनसिंह लिम्बु गाउँमै रमाउनुभएको छ ।
नेपालमा रोजगारीको सम्भावना नदेखेर विदेशिने नेपालीका लागि उहाँ उदाहरणिय पात्रको रुपमा चिनिनुहुन्छ । वैदेशिक रोजगारीको पिडा भोगेर आउनुभएका लिम्बुले अहिले तेह्रथुमको लालिगुराँस नगरपालिकामा जापानिज सिताके च्याउ खेती गरेर राम्रो आम्दानी गरिरहनुभएको छ ।
१० लाख लगानीमा च्याउ खेती सुरु गर्नुभएका उहाँले च्याउ बिक्रीबाट मात्रै मासिक एक लाखसम्म आदाम्नी गर्नुभएको छ । ३ रोपनी क्षेत्रफलमा लगाइएको च्याउ खेतीमा उहाँले गाउँका केही युवालाई रोजगारी समेत दिनुभएको छ ।
लिम्बुको फार्ममा उत्पादन भएको च्याउ जिल्ला सदरमुकाम म्याङलुङका साथै इटहरीसम्म निर्यात हुँदै आएको छ ।
