मकवानपुर,वैशाख २२-
मकवानपुरको मनहरी गाउँपालिका–९ ज्यामिरे, शिवडाँडामा गए राति १ बजे जीतबहादुर सुनारको घरमा जंगलबाट आएको एक बाघले दुई बाख्रालाई आक्रमण गरी जंगलतर्फ लिएर गएको छ ।
घरधनी सुनारले छिमेकीलाई हारगुहार गरी कराउँदा छिमेकी आई सो बाघलाई लखेटेको र कुनै मानवीय क्षति नभएको मनहरी इलाका प्रहरी कार्यालयका प्रहरी निरीक्षक चित्रबहादुर घलेले जानकारी दिनुभयो ।
अहिले त्यसतर्फ राष्ट्रिय निकुञ्ज चितवनमा सम्पर्क गरी सुरक्षाका लागि सैनिक जवान परिचालन गर्ने तयारी भइरहेको जिल्ला प्रहरी कार्यालयका कामु प्रहरी उपरीक्षक दिलीपराज झाले बताउनुभयो । (रासस)
