काठमाडौं । कालीमाटी फलफूल तथा तरकारी बजार विकास समितिको आइतबारको मूल्य सूचीअनुसार पालुङ्गगो सागको खुद्रा मूल्य प्रति किलो न्यूनतम् दुई सय रूपियाँ छ भने अधिकतम मूल्य दुई सय पचास छ । मूल्य सूचिअनुसार पालुङ्गगो सागको खुद्रा मूल्य एक दिनमै पचास रुपियाँको फरक छ ।
बेमौसमी तरकारीको मूल्य पनि बढेको छ । कालीमाटी फलफूल तथा तरकारी बजार विकास समितिले उपलब्ध गराएको एक महिना अघि साउन २८ गते र आज आइतबार भदौ २७ गतेको औसत थोक मूल्य हेर्दा तरकारीको भाउ चार गुणासम्म बढेको हो ।
एक महिना अघि पच्चीस रुपियाँ पर्ने बोडीको मूल्य अहिले पैसाठ्ठी रुपियाँ पुगेको छ । पैसाठ्ठी रुपियाँमा पाइने काउली अहिले नब्बे रुपियाँ छ । लौका पच्चीसबाट बढेर चालीस पुगेको छ । तिते करेलाको २० रुपियाँबाट बढेर आइतबारसम्म असी रुपियाँ पुगेको छ ।
अदुवा, आलु (रातोरसेता), काउली स्थानीय, काँक्रो, खुर्सानी हरियो (अकबरे), गाजर लोकल, गोलभेडा सानो (टनेल), घिउ सिमी (लोकल हाइब्रिड र टाटे), घिरौंला लगायतका तरकारीको मूल्य बढेको छ । यसैगरी चमसुरको साग, निगुरो, तोरीको साग, रायोको साग, हरियो धनियाँ, चिचिन्डो, च्याउ (डल्ले), झिंगनी, तिते करेला, परवर (लोकल), प्याज हरियो, फर्सी (पाकेको हरियो) लगायतका तरकारीका मूल्य पनि बढेको समितिले जनाएको छ ।
गत साउन २८ गतेको तुलनामा आइतबार तितेकरेलाको प्रतिकेजी मूल्य चार गुणाले बढेको छ । साउनमा तिते करेलाको प्रतिकेजी मूल्य बीस रुपियाँ थियो ।अहिले बढेको मूल्य प्रतिकेजी ८० रुपियाँ छ । तने बोडी र घिरौंलाको प्रतिकेजी मूल्य तीन गुणाले वृद्धि भएको छ ।
लौका, लसुन हरियो, ब्रो काउली र हरियो धनियाँको मूल्य दुई गुणाभन्दा बढीले वृद्धि भएको छ । साउनमा लौकाको प्रतिकेजी मूल्य २५ रुपियाँ हुँदा आज भाउ बढेर चालीस रुपियाँ पुगेको छ । यस्तै हरियो धनियाँ तीन सय किलो पुगेको छ । लसुन सुकेको एक सय ७० र हरियो तीन सय रुपियाँ छ ।
कालीमाटी फलफूल तथा तरकारी बजार विकास समितिका सूचना अधिकारी विनय श्रेष्ठले प्रत्येक वर्ष यो सिजनमा तरकारीको भाउ बढ्ने बताउनुभयो । उहाँले भन्नुभयो,“ यो सिजनमा तरकारीको भाउ बढ्छ नै बारीमा लगाएको तरकारी पानीले बिगार्छ र त्यसले बजारमा तरकारीको अभाव भएपछि भाउ बढ्छ ।” उहाँले कृषक तहदेखि नै भाउ बढेर काठमाडौँसम्म तरकारी पुगेकाले मूल्य बढेको बताउनुभयो । उहाँका अनुसार अहिले बजारमा आएको तरकारीको मूल्य केही मात्रामा बढेको हो ।
वर्षाका कारण कतिपय किसान लगाएका तरकारी बारीमै कुहिने गर्दा पनि तरकारीको मूल्य बढेको उहाँले बताउनुभयो । काठमाडौँमा दैनिक सात सयदेखि आठ सय टन तरकारी आइरहेको उहाँले जानकारी दिनुभयो ।
Have you ever considered publishing an e-book or guest authoring on other websites? I have a blog centered on the same ideas you discuss and would really like to have you share some stories/information. I know my subscribers would enjoy your work. If you are even remotely interested, feel free to send me an e-mail.
I have been browsing on-line greater than three hours lately, yet I never found any fascinating article like yours. It is pretty value sufficient for me. In my view, if all site owners and bloggers made just right content as you probably did, the internet shall be much more useful than ever before.
I think this internet site contains some really wonderful info for everyone :D. “America is not merely a nation but a nation of nations.” by Lyndon B. Johnson.